Morgunkaffi á laugardaginn

Sjálfstæðisfélagið á Álftanesi býður Álftnesingum í morgunkaffi í Haukshúsum, laugardaginn 4. september frá kl. 10-12.00.

Félagsfundur

Sjálfstæðisfélag Álftaness boðar til félagsfundar  í Sóta heimilinu þriðjudaginn 15.júní kl. 20:00.
 
Dagskrá:

Kjör fulltrúa Sjálfstæðisfélags Álftaness á Landsfund Sjálfstæðisflokksins 25. – 26. Júní.
Önnur mál.

Við hvetjum alla félaga í Sjálfstæðisfélagi Álftaness til að mæta og bjóðum nýja félaga velkomna.
 
Stjórn Sjálfstæðisfélags Álftaness

Yfirlýsing um uppbyggilegt og gott samstarf í bæjarstjórn Álftaness

Föstudaginn 4. júní, var undirrituð yfirlýsing um uppbyggilegt og gott samstarf í bæjarstjórn Álftaness fyrir komandi kjörtímabil. Yfirlýsingin er undirrituð að frumkvæði fulltrúa Sjálfstæðisfélagsins í bæjarstjórn en eitt af stefnumálum okkar var að auka samstarf og samvinnu í bæjarstjórn.

Glæsileg niðurstaða kosninganna

Frambjóðendur Sjálfstæðisfélags Álftaness þakka íbúum fyrir þann stuðning og það traust sem framboðið fékk í kosning til sveitarstjórnar í dag. En framboðið fékk fjóra bæjarfulltrúa kjörna til bæjarstjórnar. Við frambjóðendur gerum okkur grein fyrir þeirri ábyrgð sem okkur er falin af kjósendum sveitarfélagsins á þessum erfiðu tímum fyrir íbúana.

Kjósum lausnir fyrir Álftnesinga

Það verkefni sem blasir við kjósendum á Álftanesi á laugardaginn er að velja sér fulltrúa í bæjarstjórn sem þeir treysta. Trausta einstaklinga til að vinna að viðunandi lausnum á þeim erfiðu málum sem við okkur blasa. Verkefni þeirra sem kosin verða er að vinna af dugnaði, heiðarleika og ábyrgð að því að leysa þessi mál fyrir hönd íbúanna á Álftanesi.

Traust - Ábyrgð

Um hvað snúast kosningarnar til sveitarstjórnar nú á laugardaginn? Eiga þær að snúast um loforðalista og bendingar á hinn aðilann, hvað hann gerði og gerði ekki? Nei, þessar kosningar koma til með að snúast um traust og ábyrgð og hverjum þú kjósandi góður treystir best til að færa okkar samfélag til betri vegar.

Sóknartækifæri í skólamálum

Börnin, næsta kynslóð Álftnesinga eiga að fá full tækifæri þrátt fyrir að niðurskurðarhnífurinn sé á lofti. Við megum ekki láta gjaldið fyrir niðurskurð vera í gæðum menntunar.

Fjölskyldusamfélagið Álftanes

Fjölskyldan er hornsteinn samfélagsins. Fjölskyldan er hópur einstaklinga sem á sameiginlegt heimili þar sem þeir deila tómstundum, efnahag, ábyrgð, tilfinningum, hvíld og verkefnum. Með því að leggja mikla áherslu á að efla fjölskylduna styrkjum við undirstöðuna að heilbrigðu og jákvæðu samfélagi.